Cвященномученик Мисаил, архиепископ Рязанский и Муромский

 

Память священномученика Мисаила совершается на Рязанской земле 10/23 апреля, в день его мученической кончины (в 1656 г.), и 10/23 июня, в день празднования Собора Рязанских святых. В Тамбовской епархии - 28 июля/10 августа, в день празднования Собора Тамбовских святых.

Родился Мисаил в начале XVI в. в селе Грузино Новгородского края, принадлежавшем тогда Воскресенскому Деревяницкому монастырю. Уже в юном возрасте поступил он в число братии. Заметив высокую подвижническую жизнь Мисаила, будущий патриарх Никон, бывший тогда Новгородским митрополитом, приблизил его к себе и 13 апреля 1651 г. посвятил во епископа Рязанского. В городах и селениях, относящихся тогда к Рязанской кафедре, в том числе на территории современной Тамбовщины, господствовали суеверие, скоморошество, ворожба, пьянство, азартные игры и прочие проявления нравственной распущенности, храмов было мало. Узнав о столь печальном состоянии своей паствы, архиепископ Мисаил разослал по всей епархии грамоту, направленную против всех замеченных беспорядков. Святитель вникал во все, даже самые малые нужды ввереной ему Богом паствы, постоянно заботился об искоренении остатков язычества, о просвещении людей, о церковном благочинии, об улучшении нравственности. Огорчала архиепископа и нетрезвая жизнь духовенства окраин - Тамбовского, Шацкого, Темниковского уездов. Часто священники совершали богослужения без благоговения, пели и читали невнятно, безграмотно. Чтобы исправить нравы духовенства, владыка предписывал церковным старостам присылать ему для поставления во священники и диаконы «людей добрых и благочинных, наученных грамоте». В противном случае ставленники отсылались назад, не удостаиваясь благодати священства. Вдовые священнослужители, вступившие во второй брак, запрещались в богослужении, равно как и злоупотреблявшие спиртным. Достойных же архиепископ представлял к награде. Много сделал святитель Мисаил и для упорядочения церковного богослужения. К тому времени распространился обычай многогласия. Например, канон в храме читали одновременно три чтеца, ектеньи и возгласы произносились во время пения стихир и тропарей. Архипастырь всеми силами стремился искоренить этот беспорядок, строго предписывая духовенству «петь и говорить, в церквах Божиих единогласно». По свидетельству современников, сам владыка Мисаил любил совершать богослужения пышно и торжественно. Строгий аскет в личной жизни, во время церковной службы он одевался в дорогие одежды, желая и внешним образом прославить Церковь. Архиерей пел хорошо сам и требовал, чтобы и певчие относились к своему делу старательно, умело и живо. Для восстановления доброго порядка в народе на Великий пост и Светлую седмицу (неделя после Пасхи) закрывались питейные дома и кабаки. Узнав, что целыми семьями многие люди по 30-40 лет не исповедывались и не причащались, святитель Мисаил старательно принялся за исправление такого упадка духовной жизни пасомых. Владыка постоянно обращался к народу Божьему с увещеваниями, призывая следовать христианским заповедям и возрастать духовно. Когда в 1654-1655 годах наш край охватила жестокая эпидемия, уносящая тысячи человеческих жизней, владыка убеждал пасомых искать помощи в вере и Церкви, делал распоряжения о применении строгих мер предосторожности - ограждать зараженные места, жечь костры, пресекать сообщение между селами и т. п. Архипастырь лично оказывал нуждающимся материальную и моральную помощь Однако важнейшим подвигом Мисаила было распространение веры среди мордвы и татар. Всего за свою жизнь он крестил более четырех с половиной тысяч человек. В 1656 г. архиепископ с благословения патриарха Никона и дозволения царя Алексея Михайловича вновь пошел проповедовать Слово Божие, на этот раз - в Шацкий уезд. Несмотря на предупреждение о том, что его поджидают несколько сотен вооруженных язычников, святитель двинулся вперед, из села Конобеево в деревню Янбирную. Апостольская проповедь была заглушена грубой мордовской бранью, свистом пуль и стрел. Одна из стрел, выпущенная мордвином Горечишкой, пронзила левую руку и сердце святителя. Один из приближенных, боярский сын Бохолдин, сумел вынести проповедника из толпы. Мисаил немедленно исповедался и причастился Святых Тайн. Уже потом, в избе священника, он велел поставить перед собой образ Спасителя и, глядя на Его лик, стал плакать и благодарить Бога за то, что Он сподобил его омыться кровью от грехов и немощей человеческих. Было это 1 апреля 1656 г., в Вторник на Страстной неделе (неделя до Пасхи). В жестоких страданиях Мисаил прожил еще девять дней и скончался 10 апреля, спокойно, ясно и радостно. Погребальное шествие отличалось особой торжественностью, за гробом шло множество духовенства и простого народа. 3 мая 1656 г. тело было предано земле в Переяславле Рязанском (современная Рязань), в Архангельском соборе. У гробницы долгое время хранилась его мантия, окропленная кровью священномученика. (Ныне мантия владыки Мисаила хранится в Иоанно-Богословском монастыре близ с. Пощупово Рязанской области). Погребенное спустя год после смерти тело архипастыря оказалось нетленным.

 

Акафист священномученику Мисаилу,

архиепископу Рязанскому и Муромскому

Кондак 1

Избранный учениче Христов, заступниче земли Российския, славяще мученическую кончину твою, воспеваем ти похвальная. Ты же, стрелами уязвленный, от вражиих нас стрел свободи, да со умилением и радостию зовем ти: Радуйся, священномучениче Мисаиле, о спасении душ наших небесный ходатаю.

Икос 1

Ангелов лицы возликоваша, егда ты, священномучениче Мисаиле, словеса Господни «идите, научите вся языки, крестяще их во имя Отца и Сына и Святаго Духа» всею душею твоею восприял еси и, яко апостол Павел, на проповедание Божия словесе трищи текл еси, светом Евангельским к животу вечному заблуждших просвещая и научая нас вопити тебе сице: Радуйся, деяниям великаго Павла подражавый; Радуйся, венец Царствия Небеснаго стяжавый. Радуйся, премудрость паче мудрейших мира сего имевый; Радуйся, сущих во мразе идолослужения теплотою Евангелия согревый. Радуйся, чистаго и непорочнаго жития насадителю; Радуйся, пагубнейшаго пиянства обличителю. Радуйся, о Торжестве Православия в стране Российстей радевый; Радуйся, подвиги твоя мученическою кончиною запечатлевый. Радуйся, священномучениче Мисаиле, о спасении душ наших небесный ходатаю.

Кондак 2

Видя паству твою Рязанскую от Истиннаго Бога отступившу и в бесовство языческое впадшу, святителю Мисаиле, о спасении ввереннаго ти словеснаго стада возревновал еси, да изыдут из мрака заблуждений своих и купно с тобою сподобятся пети Христу: Аллилуиа.

Икос 2

Разумом небесным просвещаемь, об избрании достойных пастырей для Церкве Христовы заботился еси, святе Мисаиле, да напаяют человеки ученьми Божественными, возвещающе всем свет Христа спасительный и веру в Него правую. Мы же ублажаем подвиги твоя и сице тебе зовем: Радуйся, Таин Божиих премудрый устроителю; Радуйся, идолослужения низложителю. Радуйся, иго Христово, легкое и благое, с радостию понесый; Радуйся, непобедимою и непостижимою силою Креста Христова вооруживыйся. Радуйся, в броню веры Христовы облеченный; Радуйся, благодатию, яко щитом, защищенный. Радуйся, житием непорочным козни диавола посрамивый; Радуйся, оружием Божиим князя мира сего победивый. Радуйся, священномучениче Мисаиле, о спасении душ наших небесный ходатаю.

Кондак 3

Силою словесе твоего и властию святительскою потщался еси, архиерею Божий, благочестие насадити в пределех Рязанских. Паче же противу пагубнаго недуга пиянства вооружился еси. Темже страстию винопития одержимым исцеления подаеши и учиши пети Богови: Аллилуиа.

Икос 3

Имея тщание веру Православную укрепити, водосвятную чашу во храм Успения Пресвятыя Богородицы к мощем Первосвятителя Рязанскаго Василия приложил еси, да вси, пред честными его мощьми молебная пения совершающе, сподобятся прияти исцеления недугов душевных и телесных. Ныне же купно со святителем Василием у Престола Божия предстоиши и молитвы за род христианский возносиши, нас же научаеши вопити тебе: Радуйся, благолепия храмов Божиих неустанный содетелю; Радуйся, делания заповеденй Христовых благочестивый радетелю. Радуйся, душу твою за други положити готовый; Радуйся, блуждающих во тме греховней наставниче. Радуйся, от грехов воздержаним праздники нас освящати научаяй; Радуйся, безчинств хранитися нам повелеваяй. Радуйся, зверю душегубительному паству расхитити не попускаяй; Радуйся, стада Христова пастырю добрый и многомилостивый. Радуйся, священномучениче Мисаиле, о спасении душ наших небесный ходатаю.

Кондак 4

Бурю страстей, души ревнителей «старины» обдержащих, вкупе с Патриархом Никоном умиряя, священномучениче Мисаиле, к единству церковному звал еси. Укрепи и нас в Православии и единомыслии, тебе зовущих: Аллилуиа.

Икос 4

Слыша глас Господень, глаголющ: «Приидите ко Мне вси труждающиися и обремененнии, и Аз упокою вы», с радостию Христу последовал еси, мир греховный подвиги твоими распиная и сам миру распинаяся. Темже дух мирен стяжал еси и множество заблуждших от вечныя погибели исхитил еси, научая нас не усты токмо, но всем житием Господеви служити и тебе глаголати: Радуйся, нищету духовную стяжавый и о гресех своих плакавый; Радуйся, кротостию Ангелов удививый и Правды Божия алкавый. Радуйся, яко делы милосердия скорбящих и страждущих согрел еси; Радуйся, яко читсым сердцем Бога узрел еси. Радуйся, миротворче, яко сын Вышняго нареклся еси; Радуйся, от языческих жрецов оклеветанный. Радуйся, правды ради Божия от нечестивых убиенный; Радуйся, яко мзда твоя многа на небесех. Радуйся, священномучениче Мисаиле, о спасении душ наших небесный ходатаю.

Кондак 5

Божественный свет в непорочный сосуд души твоея, священномучениче Мисаиле, достойно приемый, во тме идолопоклонства седящих просветити потщался еси и, Богу содействующу, во град Касимов стопы твоя направил еси, вопия Господеви: Аллилуиа.

Икос 5

Видяще тя иновернии, яко боготечную звезду, к горнему Иерусалиму путеводящу и добродетельми светло сияющу, с любовию последоваху тебе, внимающе словесем душеполезным. Ты же царевича Сибирскаго и царевича Касимовскаго и с ними многия во имя Пресвятыя Троицы крестил еси, Юже умоли, да не осудити по грехом нашим, взывающих ти: Радуйся, души темныя светом Христовым просветивый; Радуйся, пределы Касимовския учением Евангельским огласивый. Радуйся, злобу вражию кротостию Христовою укротивый; Радуйся, многия души к познанию Сына Божия приведый. Радуйся, языки от рабства диаволу избавивый; Радуйся, образ добродетельнаго жития всем показавый. Радуйся, Божественных словес немолчный проповедниче; Радуйся, ищущих спасения дивный наставниче. Радуйся, священномучениче Мисаиле, о спасении душ наших небесный ходатаю.

Кондак 6

Проповедию словес Евангельских, учащих не на песце, но на камени храмину души своея строити, просветил еси страну Касимовскую, священномучениче Мисаиле, и наздал еси ю на незыблемом Христовы веры камени. Сподоби и нас в Православии незыблемо пребыти до конца живота нашего, да возможем достойно пети Создателю нашему небесную песнь: Аллилуиа.

Икос 6

Возсия в тебе, святе Мисаиле, Боголепное светило землям Шацким, ихже, возвещая спасительную веру во Христа Иисуса, обтекл еси и к плодоносию духовному оросил еси. Темже благохвалим тя, проповедника Божественнаго, похвалами сими: Радуйся, непобедимою верою вооружен бывый; Радуйся, в проповеди Евангелия ревность велию явивый. Радуйся, древния вражды идолослужительныя потребителю; Радуйся, лжи диавольския низложителю. Радуйся, к Богу любовию горевый; Радуйся, горе очи твои имевый. Радуйся, молитвою весь мир объявый; Радуйся, заблуждшим путь ко спасению указавый. Радуйся, священномучениче Мисаиле, о спасении душ наших небесный ходатаю.

Кондак 7

Хотя просветити языки светом истиннаго Боговедения, якоже и первоверховный апостол Павел, ко язычником неленостно многия труды подъял еси во благовестии Христове. Сподоби и нас, грехми разслабленных, во еже единаго от грешник обратити, темже убо спасти от смерти души наша, да Богови в молитве вопием: Аллилуиа.

Икос 7

Новыя творения во Христе яви Бог чада твоя новопросвещенная. Темже и ныне души, во гресех погибающия к милосердному Господу зовеши, да во смирении покаяние принесут и, радующеся благому пременению сему, благочестно воззовут ти: Радуйся, Церкве Соборныя и Апостольския велие украшение; Радуйся, души грешник наставляяй ко благочестию во спасение. Радуйся, спасение душ человеков паче живота возлюбивый; Радуйся, язвы Христа Бога на теле своем носивый. Радуйся, языческия тмы светозарный просветителю; Радуйся, уз греховных разрешителю. Радуйся, народом диким житие ангельское показавый; Радуйся, яко апостол, веру Евангельскую благовестивый. Радуйся, священномучениче Мисаиле, о спасении душ наших небесный ходатаю.

Кондак 8

Странническое житие на земли прешел еси, священномучениче Мисаиле, не ведый покоя в трудех твоих, не тленнаго богатства ища, но небеснаго взыскуя, идеже ни червь, ни тля тлит и идеже татие не подкопывают, ни крадут. Сего ради ныне веселишися в обителех небесных, выну поя Богови: Аллилуиа.

Икос 8

Всем сердцем, всею душею, всею крепостию и всем разумением твоим возлюбив Господа, священномучениче Мисаиле, возлюбил еси ближних и дальних, яко самого себе. Темже убо душу твою за други положити изволил еси. Мы же, таковой твоей любви дивящеся, возглашаем ти сицевыя хвалы: Радуйся, светильниче любве, от Пресвятыя Троицы возсиявый; Радуйся, в незлобии Христу последовавый. Радуйся, милосердие Пречистыя Девы стяжавый; Радуйся, исповеданию Бога тезоименитый. Радуйся, целомудрия ангельскаго носителю; Радуйся, Царствия Божия усердный взыскателю. Радуйся, святительскими молитвами паству ограждавый; Радуйся, в подвизех преподобным подражавый. Радуйся, священномучениче Мисаиле, о спасении душ наших небесный ходатаю.

Кондак 9

Все естество ангельское удивися, яко ты, священномучениче Мисаиле, паки потекл еси мордве, идолом служащей, свет Божественныя Истины возвещати, да и тии, вернии обретшеся, возславят силу Божию и воспоют хвалебную песнь: Аллилуиа.

Икос 9

Витии от жрецов языческих воздвигоша на тя гонение лютое, и мнози от нечестивых обступиша тя, смерти твоея ищуще. Ты же, яко Агнец Божий, кротко молился еси: «Отче, отпусти им, не ведают бо, что творят». Таковую кончину твою воспоминающе, почитаем страдания твоя и зовем ти таковая: Радуйся, в кротости и смирении Христу Богу подражавый; Радуйся, яко и Божественный Страдалец, сердце отверстое имевый. Радуйся, стрелами, якоже и Он гвоздием, ко кресту исповедания пригвожденный; Радуйся, душу твою сохранивый и спасый. Радуйся, Страстем Христовым общниче; Радуйся, святых мучеников наследниче. Радуйся, яко страданием своим безстрастие приял еси; Радуйся, яко мученическую кончиною живот вечный стяжал еси. Радуйся, священномучениче Мисаиле, о спасении душ наших небесный ходатаю.

Кондак 10

Спасительнаго подвига твоего достигл еси скончания, священномучениче Мисаиле. Мы же место страданий твоих, освященное честною твоею кровию, с любовию чтуще, выну тепле Богови вопием: Аллилуиа.

Икос 10

Предстательство святителя Николая яко стену заступления имевый, в твердости исповедания Православия ему подражал еси. Темже дух твой близ обители, в честь святителя Мирликийскаго освященныя, в обители вечныя отшел еси. Мы же, таковому о тебе Божию благоволению дивящеся, вопием ти: Радуйся, Евангелия Христова усердный благовестниче; Радуйся, Церковных преданий твердый хранителю. Радуйся, благочестия добрый сеятелю; Радуйся, мрежею проповеди твоея языки во спасение уловивый. Радуйся, во глубину смирения возшедый; Радуйся, за обидящих тя усердно моливыйся. Радуйся, от нечестивых люте убиенный; Радуйся, нетлением мощей от Господа почтенный. Радуйся, священномучениче Мисаиле, о спасении душ наших небесный ходатаю.

Кондак 11

Пение всеумиленное иереи и людие принесоша Богови, егда видеша тело твое, тлению не причастное, и лице твое, яко лице Ангела, сияющее, о тебе же Господеви воспеша: Аллилуиа.

Икос 11

Светоподательна светильника житию твоему имея Архистратига Сил Божиих, вопиющаго «кто яко Бог», в соборе во имя Архангела Михаила в кремле Рязанстем мощьми твоими упокоился еси. В нем же последи паки тыя нетленны обретшеся, во обитель Троицкую пренесены быша, воздвизающия верных глаголати тебе таковая: Радуйся, яко со Архангелы ныне ликуеши; Радуйся, яко иноком, чину ангельскому, добрый путь указуеши.Радуйся, подвизающимся выну помогаяй; Радуйся, нерадивых от сна греховнаго пробуждаяй. Радуйся, благий и милостивый скорбящих утешителю; Радуйся, скоропредстательный бедствующих помощниче. Радуйся, струями благодати сердца напояяй; Радуйся, словесы Божии верныя преизобильно насыщаяй. Радуйся, священномучениче Мисаиле, о спасении душ наших небесный ходатаю.

Кондак 12

Благодатныя струи исцелений источают честныя мощи твоя, священномучениче Мисаиле, к нимже, на всякое время притекающе, духовне и телесне недугующии получают исцеления и зовут Богови: Аллилуиа.

Икос 12

Поюще Богоугодное житие твое, священномучениче Мисаиле, молим тя: умоли Живоначальную Троицу, да оросит Духом Святым землю сердец наших, да принесем Господеви плод сторичный и, горяще любовию к памяти твоея, возовем тако: Радуйся, на небеси и на земли прославленный; Радуйся, к вечней жизни предуставленный. Радуйся, страсти побеждати научаяй; Радуйся, немощную волю нашу укрепляяй.Радуйся, Богови даже до смерти послуживый; Радуйся, в напастех вражиих ко Христу прибегати нас научивый. Радуйся, храмов и обителей неотстуный хранителю; Радуйся, земли Российския Богом данный покровителю. Радуйся, священномучениче Мисаиле, о спасении душ наших небесный ходатаю.

Кондак 13

О всеблаженный угодниче Божий, всякия почести достойный, священномучениче Мисаиле! Услыши малое моление наше, от любве усердныя ти приносимое, и сподоби ны обрести благодать у Господа, умоли Его благость помиловати ны, да сподобимся с тобою и всеми святыми купно Ему пети: Аллилуиа, Аллилуиа, Аллилуиа.

(Этот кондак читается трижды, затем икос 1 и кондак 1)

Молитва священномученику Мисаилу, архиепископу Рязанскому и Муромскому

О пресветлый светильниче Церкве Христовы, священномучениче Мисаиле, светом веры Православныя вся концы земли Российския озаривый и мечем словесе Божия смущения и шатания хульная угасивый, во тме язычества блуждающих просветивый, душу за Христа предавый и кровию твоею пажить Его удобривый! Молим тя, похвало Российская, в чудесех нетления возсиявый: ходатайствуй о нас, грешных и смиренных, пред Престолом Вседержителя Бога, да укрепит ны в Православии и единомыслии, и непоколебимем даже до смерти исповедании веры Христовы. Моли Христа Бога, да отпустит нам согрешения наша вольная и невольная, да избавит ны от враг видимых и невидимых; да соблюдет Церковь Свою незыблему от неверия, суеверия, ересей и раскола; да дарует нам вся ко временней и вечней жизни потребная. К тебе припадаем и молимся: всели в сердца наша любовь твою, еюже к Богу и ближним твоим в житии твоем преисполнен был еси, источи цельбы притекающим к тебе с верою. Сущия в скорбех, печали, болезни душевней и телесней заступи и защити; понеси немощи наша, не отлучайся духом от нас, да помилует Господь нас молитв твоих ради. Испроси, угодниче Христов, да милостив будет нам Господь зде и в будущем веце, и да преставльшияся от нас отцы и братию, матери и сестры и чада наша в лице святых вчинив, в месте светле упокоит. Предстояще и поклоняющеся раце святых мощей твоих, во всечестней обители сей почивающих, имамы тя неусыпающа молитвенника и предстоятеля о нас ко Господу и к Царствию Небесному путеводителя. Темже благодарне с тобою и всеми святыми купно величаем в Троице славимаго Бога, Отца и Сына и Святаго Духа, ныне и присно и во веки веков. Аминь.

Тропарь, глас 5-й

Богомудре святителю, архиереев славо и сирых защитниче, ревностный проповедниче Христова Евангелия. Утвердил еси верою сердца неутвержденная, священную одежду омочив в крови, яко мученик и пастырь прославился еси. Священномучениче Мисаиле, молися прилежно Владыце Христу о всех нас, почитающих святую память твою, да вышняго Причастия сподобимся и Света невечерняго.

Кондак, глас 5-й

Бог прослави ныне угодника Своего обретением честных мощей, ибо неистощима есть сила Божия чудодействующая. Священномучениче Мисаиле, угоден был еси Богови, получив посещение во избранных Его, простри нам руку помощи ходатайством твоим и исправи путь наш ко спасению Величание Величаем, тя, святый священномучениче Мисаиле, и чтим честная страдания твоя, яже за Христа претерпел еси.

Источники : Акафист и Икона - Издательство «Зерна», Рязань, 2002 г. Житие - Тамбовский Патерик - Священномученик Мисаил, архиепископ Рязанский. http://orthodox.tstu.ru/pateric/misail.html Рефераты